நீங்கள் தேடியது "ஊராட்சி நிர்வாகம்"

மண்ணச்சநல்லூர்:

திருவெள்ளறை ஊராட்சிக்கு உட்பட்ட தென்றல் நகர் பகுதியில் குடிநீர் தட்டுபாடு நிலவி வருகிறது. அதேபோல் ,எம்.ஜி.ஆர்.நகர், நேதாஜி நகரில் தார் சாலைகள் அமைக்க வேண்டும், திருவெள்ளறை பேருந்து நிறுத்தம் அருகே நவீன கழிப்பிடம் கட்ட வேண்டும் என்பன மக்களின் நீண்ட நாள் கோரிக்கைகளாக இருந்து வருகிறது.

இது போல் பல்வேறு அடிப்படை தேவைகளை நிறைவேற்றி தராத ஊராட்சி நிர்வாகத்தை கண்டித்து மார்க்சிஸ்ட் கம்யூனிஸ்டு கட்சியின் தமிழ்நாடு விவசாய சங்கத்தின் திருச்சி மாவட்டத் துணைத்தலைவர் முருகேசன் தலைமையில் இந்த ஆர்ப்பாட்டம் நடந்தது. 

கட்சியின் கிளைச் செயலாளர் அன்பழகன் முன்னிலை வகித்தார். ஆர்ப்பாட்டத்தில் கட்சியின் மாவட்ட நிர்வாகிகள் சிதம்பரம், சுப்பிரமணியன், லிங்கராணி, ரவிச்சந்திரன் ஆகியோர் கோரிக்கைகளை வலியுறுத்தி பேசினர். முடிவில் டைபி அமைப்பின் மாவட்ட பொருளாளர் ஆனைமுத்து நன்றி கூறினார்.